සති පොළදා........

පෙරදා රැයේ නොනිදා

බතක් බැඳ‍ගෙන

උදේම ඇවිදින්

අහුරා හිමි තැනම

ඇයගේ බඩු පොදිය ......

කෑගසා ගිරිය පුප්පා

එදා වේල සොයන්නට

පැමිණි ඇය.........

නැවත යන්නේ

සතිපොළ හමාර වූ විටය

ඇගේ සිඟිති දියණිය

වැට අයිනට ඇවිත් ‍

දෙනෙත් අයමින්

බලා සිටින්නේ

මව එනතුරුය............

මවගේ හිස මත ඇති

බඩු පොදිය දැක

ටිකිරි සිනා රැළි නංවන්නේ

චූටි දුවට

සෙල්ලම් බඩු ගෙනාවැයි සිතාය.‍...........

එහෙත්,

විකුණාගත නොහැකි බඩු දැක

ටිකිරි සිනා මුව මුකුළිතව

නෙත කඳුලින් බර විය........